VLORË- Karkaleci i tokës por vë në rrezik të mbjellat e fshatit Mavrorë në Vlorë. Fermerët thonë se prej 5 vitesh luftën kundër këtij insekti që shfaros frutat dhe perimet po e bëjnë të vetëm, pasi Ministria e Bujqësisë nuk ka marrë asnjë masë për të parandaluar vatrat e karkalecit.
Gjithashtu ata kanë deklaruar se janë të gatshëm t’i spërkasin vetë tokat e tyre me insekticd, nëse Drejtoria e Bujqësisë u siguron kimikatin që vret karkalecin dhe shpëton prodhimin.Fermerët thonë se ka 10 ditë kohë që të sulmohen kolonitë e karkalecit, në të kundërt e gjitha zona do të përballët me insektin që dëmton të mbjellat.
