LUSHNJE– Një aksident me pasojë vdekje është regjistruar në orët e para të mëngjesit të kësaj të hëne në aksin rrugor Rrogozhinë-Lushnje. Raportohet se një endacak është përplasur për vdekje nga një karrotrec tksa ka qenë duke kaluar rrugën. Drejtuesi i mjetit, 27-vjeçari i identifikuar me inicialet M.Ç është shoqëruar në polici.
NJOFTIMI I POLICISË:
Rreth orës 03:00, në aksin rrugor “Rrogozhinë-Lushnjë”, në afërsi të fshatit Zhamë, automjeti tip “Karrotrec”, me drejtues shtetasin M. Ç., 27 vjeç, banues në Levan, ka aksidentuar një shtetas rreth 50 vjeç, ende të paidentifikuar (dyshohet endacak), i cili ka ndërruar jetë. Shtetasi M. Ç. është shoqëruar në ambientet e Policisë, për kryerjen e veprimeve të mëtejshme procedurale. Grupi hetimor po punon për përcaktimin e shkaqeve të aksidentit dhe identifikimin e shtetasit që ka ndërruar jetë.
