TIRANË– Mes të plagpsurve të sulmit me armë në një lokal në “Don Bosko” është dhe Sahit Murati, xhaxhai i Fatjon Muratit. Mësohet se ai ka marrë dy plumba në shpatull dhe momentalisht është në sallën e operacionit.
Ndërkohë siç mund të shihet në foto familjarët e të plagosurve janë mbledhur jashtë spitalit të Traumës në pritje të lajmeve për të afërmit e tyre.
Murati mund të ketë qenë “shënjestra” e breshëris së plumbave gjuajtur bga autorët drejt lokalit të nipit të tij, një person me precedentë penal i dyshuar si i përfshirë në masakrën e Fushë Krujës ku u vra djali i xhaxhait të Ervis Martinajt dhe dy miqtër tij Diklen Vata dhe Besmir Hoxha.
Ndërkohë të plagosurit e tjerë kanë marrë gjithashtu plumba në kofshë, gjoks, madje njëri është prekur në kokë, por fatmirësisht është lënduar vetëm në pjesën e jashtme dhe nuk ka goditje në pjesë vitale.
Sipas mjekëve gjendja e të plagosurve është jashtë rrrzikut për jetën. Viktimë e sulmit ka mbetur 60-vjeçarja Mimoza Paja, e cila punonte si banakiere.
Policia ka ngritur pika të shumta kontrolli në gjithë Tiranës në bashkëpunim dhe me drejtoritë e tjera vendore me qëllim kapjen e autorëve të atentatit.
