TIRANË– Ky botëror ishte padiskutim një nga më të bukurit. Fitorja e Argjentinës për disa ishte e pritshme e për disa të tjerë Messi nuk e meritonte këtë finale. E ftuar në ”Skaner” moderatorja dhe gazetarja Valbona Mhilli u shpreh se Messi ishte ylli i ndeshjes dhe çelësi i suksesit për skuadrën argjentinase.
Duke folur si një tifoze argjentinase në këtë botëror për shkak të mungesës së Italisë Mhilli tha se ajo që u vu re sot jo vetëm në Shqipëri për kudo në botë dukej se kishte një entuziazëm dhe mbështetje të shtuar për Argjentinën. Po ashtu ajo u ndal dhe tek fansat e Cristiano Ronaldos, i cili nuk ishte dot pjesë e finales. Moderatorja tha se mbase ata ndihen të mërzitur për këtë fakt dhe se i vjen keq për këtë.
Valbona Mhilli: Mesi ishte ylli i kësaj ndeshjeje, dy golat e tij në pjesën e parë ishin të mrekullueshëm. Megjithastë ajo që kemi vënë re sot, jo vetëm shqiptarët por mbarë botën kanë bërë tifo për Argjentinën, Tifozët argjentinas ishin të mrekullueshëm, e mbështeten skuadrën edhe kur Mbappe bëri gol. Më vjen keq për tifozët e Cristiano Ronaldos që ndoshta janë mërzituir pak.
