Moderatorja Katerina Trungu vjen me një krijim të sajin, për të qëndruar po në fushën e gazetarisë.
Revista “Fill” u prezantua në emisionin “Stay Tuned” në MCN Tv me moderatoren Valbona Mhilli për të cilën Trungu thotë se kishte dëshirë që të ishte diçka që të kishte të bënte me karrierën e saj dhe se për të ka punuar që nga gushti i kaluar.
Sa i takon personazhit të zgjedhur për kopertinën e parë Soni Malaj, ajo tha se donte që të ishte një personazh i mirë, që njerëzit e duan dhe të ishte shumë përfaqësuese dhe dinjitoze për kopertinën.
“Soni është jashtëzakonisht e bukur. I kam thënë je aq e bukur sa nuk ke nevojë për photoshop. Nuk është e konsumuar, nuk jep detaje shumë për jetën. Revista është kënaqësi ta shfletosh, se lajmi merret online. E mori menjëherë po, nuk kishte vend për ta diskutuar. Një nga kushtet ishte që personi që do e stilonte të ishte Niko Komani, ishte komode, sportive, e lirshme, ma bëri punën të lehtë. Fillimisht kam dashur në kopertinë Luana Vjollcën dhe Rudina Magjistari. Luanën nuk e prisja aq sport, ia shpjegova, mirëpo Luana punon deri në 2 të natës dhe nuk ka zot që e kap të lirë. Jam shumë e mbytur me punë tha dhe për momentin nuk mundem. Rudinës i propozova diçka më personale dhe ajo nuk e dëshironte.
Sa i takon emrit të revistës, ajo tha se donte një emër të ishte i bukur, shqip dhe i qartë, si fill që do e lidhte me lexuesin.
Për emisionin “Shije shtëpie” që aktualisht moderon deklaroi se është me shumë fat për mjedisin pozitiv që e rrethon dhe se nuk e kanë ndjesinë e hierarkisë, duke ruajtur raporte miqësore dhe përtej punës.
“Me zonjën Vjollca shkoj shumë mirë. Nuk ka asnjë ftohtësi, madje jashtë kamerave është shumë herë më e dashur nga sa është në ekran më merr aq shumë me të mira dhe më llaston dhe thotë mos e vini veten në raport me Katerinën. Ajo thotë Katerina është e para, ju vini shumë më vonë. Ka zënë vend të veçantë tek unë. I them shpesh që të kam si njeri familjar timin. Kam gatuar shumë mirë por nga zonja Vjollca mësoj gjëra të reja, surprizojë dhe bashkëshortin me recetat që sjell. Ndryshon shija në shtëpi.
Më tej ajo u ndal në vështirësitë e të bërit televizion, duke thënë se duhet të jesh në gjendje shumë të mirë për ekranin pavarësisht çdo gjëje që të ndodh jashtë.
Këto ditë kam pasur djalin pa qejf kemi qenë çdo pasdite në spital. Në ekran nuk mund të marrësh leje, duhet të jesh e buzëqeshur, pavarësisht se kë një natë pa gjumë.
Duhet të kamuflosh çdo lloj emocioni. Mund të jesh mërzitur dhe me ndonjë koleg dhe prapë, duhet të jesh e qeshur.
Ana tjetër nga publiku jo gjithmonë të pëlqejnë, kam pasur komentues që thonë që kjo bën si mace. Por zëri im ky është.
Kanë qenë komente të rralla, por habitem se si njerëzit arrijnë dhe shkruajnë diçka që nuk e pëlqejnë. Njëra më thoshte për pamjen, si fokë, me fytyrë të madhe, mos guxo as të shëndoshesh, etj.
Make up e bëj vetë, e kam qejf. E bëj më shpejt make up, se i di vendet që dua të korrigjoj. Grimieret më thonë sikur të ishin të gjithë si ty. Mundësisht dhe flokët e drejta.
