TIRANË– Deputeti i Partisë Demokratike Gazment Bardhi ka bërë këtë të mërkurë një deklaratë të fortë ku dhe i ka shpallur sfidë Lulzim Bashës. Gjatë fjalës së tij për mediat Bardhi tha se janë përjashtuar nga PD njerëz që kanë mbështetur kandidatët e opozitës si Igli Cara në Durrës ndërsa si anëtar të Këshillit Kombëtar qëndrojnë njerëz që në fushatën e 14 majit kanë bërë fushatë për Erion Veliajn. Ndërsa sa i përkëet Vaut të Dejës Bardhi i kërkoi Bashës që të tregojë se kë kandidat ka mbështetur ose ai do të nxirrte SMS-të.
Gazment Bardhi: Jam njohur me një listë të Këshillit Kombëtar në faqen e PD. Aty ka vetëm 300 anëtarë nga 400, pretendimi i tyre është se pjesa që është hequr nga lista është se kanë qene të angazhuar në fushatë për një formacion tjetër. Për kolëget e mia brenda partisë të bësh fushatë për Velinë, nuk e humb cilësinë si anëtar i PD. Këto janë dy standarte të paparanueshme, i neveris. Cilido që ka bërë fushatë për Igli Carën ka bërë gjënë e duhur. Kush bën fushatë për Veliajn është gabim, sa kohë që nuk ka një vendim, nuk jam unë që caktoj se kush është anëtar. Unë kam pyetje për Bashën. Cilin kandidat ka mbështetur në Vaun e Dejës? Thuaja opinionit publik, nëse ai nuk e thotë unë do bëj publik komunikimin me SMS që kam pasur me Bashën. Po në Kurbin, Rrogozhine…Basha ka mbështetur kandidatin e Berishës dhe të Metës, unë nuk kam dy standarte, dikush që ka mbështetur Zef Hilën në Vaun e Dejës ta bëjmë kryetar, e ata që e mbështesin ti përjashtojë…
