TIRANË– Deputeti i Partisë Demokratike njëherazi dhe kandidati i opozitës për bashkinë e Tiranë Belind Këlliçi ka folur hapur dhe ka pranuar se ka firmosur për zgjedhjen e Ervin Salinanit në krye të Grupit Parlamentar të PD-së. Këlliçi tha për A2 CNN se ndonëse më parë kanë menduar ndryshe, duke iu referuar dhe 8 janarit, tha se pavarësisht kësaj, ai ka qenë ndër firmëtarët e parë. Sipas Këlliçit kjo nismë bëhet për hir të bashkimit të demokratëve.
Belind Këlliçi: Kam qenë një nga firmëtarët e parë. Unë dhe zoti Salianji, kushdo që ka qenë i përfshirë në historikun e PD në këto 7 vitet e fundit, mbase nuk kemi qenë miqtë më të mirë me njëri-tjetrin, kemi qenë rival dhe kemi vazhduar dhe kemi pranuar rezultatin. Kemi vazhduar karrierën tonë politike. Por për hir të bashkimit të PD-së, unë kam firmosur për zotin Salianjit pa diskutim, me bindjen e absolute se kjo i shërben qetësimit të ujërave në PD dhe një nisme për të bashkuar kë të mundemi.
