TIRANË– Kandidati i koalicionit “Bashkë Fitojmë” për Bashkinë e Tiranë Belind Këlliçi ka sfiduar sërish me debat rivalin e tij, kryebashkiakun aktual Erion Veliaj. I ftuar në “Top Story” Këlliçi tha se ftesën për Veliajn e ka të hapur pavarësisht se ai kundërshton. Po ashtu ndër të rjera Këlliçi foli dhe për qiranë e autobusit që përdor dhe për diplomën e gjimnazit që u kthye dhe në qendrën e sulmeve nga kundërshtarët politik.
Belind Këlliçi: Jam duke bërë garën e jetës për të vendosur një ‘milestone’ për të fituar garën më të pabarabartë në 30 vite. Jam në një garë ku më mohohet mbështetja mediatike fondet publike e sërish jam i vendosur ti shkoj deri në fund. Po rikujtoja gjithë kandidaturat dhe Olldashi ka qenë në të njëjtën moshë dhe pak a shumë me të njëjtin background në kohën kur ka konkurruar. Gjykoj që në këtë moment do të duhej që unë si demokrat para se të jem një deputet gjykoj se ky është momenti ideal të luaj mënjanë një mandate deputeti dhe të hidhem me mish e me shpirt në këtë betejë. Ju e dini mjaft mirë që aktivitetin në stadium nuk e kam bërë unë, nuk jam unë drejtuesi i koalicionit “Bashkë Fitojmë”. Nëse ju duket marramendës fakti që për një muaj kam marrë me qira një autobus nuk e di. Unë po i marr fondet që shkojnë për shërbime luksi po i alokoj për qytetarët. Shpenzimet që bëj sot janë brenda kuadrit ligjor që parashikon KQZ-ja, kam përshtypjen se qiraja e autobusit shkon diku tek katër milionë e pak lekë. Sot ka ardhur një përgënjeshtrim i rëndomtë për falsifikimin e diplomës time. Kur u mor një shkresë nga gjimnazi ku kam qenë, de ku shihej që kam qenë nxënës i dalluar është qesharake të ktheja përgjigje. Unë si Belind jam i fokusuar 100% tek çështjet që shqetësojnë publikun. Unë kam kërkuar prej dy javësh dhe dua të kem një përballje publike me kandidatin e PS-së. Kam mbi 1 javë që ftoj të gjitha mediat.
