VLORË– “Kemi parë një peshkaqen“, kjo ka qenë telefonata që ka alarmuar këtë të shtunë Policinë Kufitare të Vlorës , e cila po kryen kontrolle të imtësishme në plazhin e Orikumit. Raportohet se pushuesit kanë njoftuar se e kanë parë peshkaqenin afër bazës së Pashalimanit.
Pas marrjes së teleonatës Policia Kufitare në bashkëpunim me shërbimet e rendit të policisë Orikum po kontrollojnë me mjete lundruese në det. Ndërkohë ka patrulla të shtuara nga toka për monitorimin dhe krijimin e një perimetri të sigurisë për notarët. Pritet të ketë dhe një deklaratë zyrtare në lidhje me ngjarjen.
