Ata mund të jenë ndarë muajin e kaluar, por duket se Kendall Jenner dhe Bad Bunny janë ende në marrëdhënie miqësore.
Një burim i tha PEOPLE se supermodelja 28-vjeçare dhe muzikanti 29-vjeçar porto-rikan” festuan Vitin e Ri me miqtë afër Barbados”. Gjithashtu, burimi tha se në grup ishin edhe Justin dhe Hailey Bieber. Megjithatë, ai sqaroi se çifti “nuk ishte në të njëjtin fluturim ” dhe nuk janë “rikthyer bashkë”.
Të mërkurën, më 3 janar, ylli i “Kardashians” ndau një sërë fotografish nga arratisja e saj ekzotike me shoqen Hailey.
Në mbishkrimin e postimit ajo ka shkruar: “Vitet kalojnë gjithnjë e më shpejt. Prezenca dhe koha është gjithçka që mund të kërkoj. Unë jam shumë mirënjohëse për atë që ka kaluar dhe për atë që do të vijë.
Duajini njerëzit që mbani në zemër dhe mos e humbisni 2024, pa dashuri dhe të qeshura, mirënjohje dhe durim.”
Jenner dhe Bad Bunny u ndanë në dhjetor pas më pak se një viti lidhje.
