Ylli i popit, Lizzo, është paditur nga tre ish-valltarët e saj me pretendimet për ngacmim seksual dhe ambient armiqësor të punës.Padia përfshin akuza për ngacmim seksual, fetar dhe racor, diskriminim, sulm dhe burgim të rremë.
Arianna Davis, Crystal Williams dhe Noelle Rodriguez janë ish-valltarët që po e ngrisin padinë, raportoi BBC.Në padi thuhet se valltarët “u detyruan të durojnë sjellje denigruese seksuale” dhe se ishin “nën presion për të marrë pjesë në shfaqje shqetësuese seksuale”.
Lizzo akuzohet po ashtu bashkë me koreografen Tanisha Scott se gjatë turit ishte tallur me peshën e Davisit.
