TIRANË– Kryetari i Partisë së Lirisë Ilir Meta ka dhënë një prononcim për mediat pas daljes nga Prokuroria e Posaçme Kundër Korrupsionit dhe Krimit të Organizuar, të cilën e shoqëroi dhe me batuta me gazetarët kur u pyet nëse ka frikë nga një arrestim i mundshëm. Ish-presidenti u thirr për të dëshmuar për marrëveshjen CEZ-DIA, e cila është firmosur gjatë kohës që ai mbante postin e ministrit në kabinetin Berisha. Sa i përket pyetjes se nëse ka besim apo jo tek drejtësia Meta preferoi të mos i përgjigjej duke lënë të nënkuptohet se SPAK është në ndikim politik.
Ilir Meta:: Gjithçka është një mashtrim ordiner dhe më vjen keq që harxhohet kohë me gjëra të tilla, ndërkohë që këtu janë mal çështjet. Unë nuk ndaloj askënd që të bëjë pyetje dhe i ftoj që t’i publikojnë të gjitha pyetjet dhe përgjigjet.
Pyetje: Ngrini dyshime se SPAK ka ndikim politik?
Ilir Meta: Ju e dini se kush i ka dhënë udhëzimet që të thirret Ilir Meta tek SPAK, janë dhënë nga Kongresi i partisë. Ilir MEta ëhstë i hapur dhe transparent dhe mezi presim për ato firmat fët e fët, të ketë akte dhe veprime konkrete edhe për gjithë ato çështje aq të rënda që e kanë bërë Shqipërinë që të jetë më i korruptuari në Europë. Gjithçka që është kjo çështje nuk ka lidhje me Ilir Metën, nuk është bërë në kohën që Meta ka qenë ministër. Ne e kemi bërë detyrën tonë në mënyrë të shkëlqyer.
Pyetje: Keni frikë për ndonjë firmë që mund të sjellë arrestimin tuaj?
Ilir Meta: Mos more! Unë kujtova se hetimi lidhej me denoncimet e miapër korrupsionin që është evident. Ta dinit do të vinit? Po patjetër, do të vija për çdo gjë. Unë mendoj që është zbardhur dhe është një proces fare absurd.
Pyetje: A keni besim te SPAK?
Ilir Meta: Faleminderit.
