Përmes një postimi në rrjete sociale, Sali Berisha, ka reaguar lidhur me sulmin që iu bë grupit të xhirimeve të SYRI TV ditën e sotme në Rrogozhinë. Sipas tij kjo është e gjitha një dhunë e cila lidhet ngushtë dhe është e organizuar nga vetë kryebashkiaku i Tiranës Erion Veliaj.
“Bandat e Erion Velisë dhe familjarët e kandidatit të Edi Ramës, në Bashkinë e Rrogozhinës kërcënojnë ekipin e Syrit dhe i pengojnë në detyrën e tij. Në video keni xhaxhain e kandidatit rilindas, Arif Memolla, polic që agreson dhe fizikisht anëtarët e ekipit të televizionit Syri. Dënoj me ashpërsinë më të madhe këto akte banditeske të organizuara direkt nga Erion Veliaj dhe mbështes plotësisht mediat në detyrë dhe ju bëj thirrje atyre të vazhdojnë të përmbushin me guxim detyrën e tyre,”-shkruan Berisha në rrjetet e tij sociale.
