TIRANË– Kreu i grupit parlamentar të Partisë Socialiste, Taulant Balla në një prononcim për mediat këtë të hënë u shpreh se kërkesa e opozitës për shkarkimin e kryetares së Kuvendit, Lindita Nikolla, nuk qëndron. Më tej Balla tha se duhet një argument për të shkarkuar kryetaren e Kuvendit dhe ky nuk mund të jetë zbatimi i rregullores nga ana e saj.
“Këta mund të kërkojnë edhe shkarkimin e qeverisë, shpërndarjen e parlamentit. Kërkesa të pafundme. Por e para është që nuk gjej qoftë dhe një argument të vetëm që të kërkosh shkarkimin e kryetares së Kuvendit, në kushtet kur kryetarja në seancën e fundit plenare, ka zbatuar rregulloren e Kuvendit. Rregullorja përcakton qartë se si disponon me vendimmarrje, kur bllokohet foltorja e Kuvendit. Në kushtet kur Kuvendi i Shqipërisë e ka të pamundur që të përmbushë detyrimet, në këtë rast është miratimi i rendit të ditës. Në kushte e deklarimit, një pjesë e deputeteve thanë se s’do të ketë punime normale. Kuvendi do e bëjë të qartë. Asnjë lloj kërkese e kësaj forme nuk mund të miratohet dhe nuk mund të merret në konsideratë. Do mundohemi që diskutohet do zhvillohen. Në këtë frymë do vijojnë përpjekjet për të vijuar punën normalisht. Deputetët që thyejnë rregulloren shpresojmë që mos të marrin pjesë në seancat plenare. Shpresojmë që në 2 shkurt Kuvendi t’i kthehet normalitetit. Por situata që është krijuar është qesharake. “, u shpreh Balla
