Sirenat e para ishin nga Italia, me Leçen që shfaqi një interesim për Arbër Hoxhën. Nga ana tjetër, futbollisti i Kombëtares shqiptare është pjesë e Dinamo Zagrebit. Me skuadrën kroate, anësori nuk mori shumë minuta në pjesën e parë të sezonit, por për potencialin që ka, ai nuk shihet si një lojtar stoli pavarësisht se në skuadër konkurrenca është e lartë.
Hoxha u afrua nga Slaven Belupo janarin e 2024-s dhe me ndryshimin e stafit teknik, ku në krye ka ardhur një kampion bote si Fabio Kanavaro, ai pretendon që të marrë më shumë minuta. Por, qëndrimi në skuadër nuk është e vetmja alternativë e sulmuesit të krahut, pasi për të një interesim së fundmi është shfaqur edhe nga kampionati turk.
EJUPSOR = Një prej ekipeve të lezetshme të këtij sezoni në kampionatin turk është edhe Ejupspori i cili ka pasur paraqitje të suksesshme nën drejtimin e Arda Turan, ish-futbollistit të njohur që ka arritur të luajë edhe me Barcelonën, por edhe shumë vite me kombëtaren turke. Sipas “Fanatik”, Arbër Hoxha është një dëshirë e vet trajnerit Turan dhe diçka të tillë ia u ka komunikuar drejtuesve të klubit. Tashmë pritet të shihet nëse Ejupspori do të hedhë një hap konkret për të siguruar shërbimet e Hoxhës në merkato.
