ELBASAN– Seanca gjyqësore ndaj ish-ministrit të Brendshëm Saimir Tahiri, e cila ishte parashikuar të mbahej ditën e sotme është shtyrë. Shkak është bërë mungesa e prokurorirt. Tahiri i ka kërkuar togave të zeza të Elbasanit që ti njihet koha kur ka qenë në shërbim prove dhe nëse kjo kërkesë pranohet, atëherë ish-ministrit do t’i ulet 1 vit e 6 muaj burg. Ish-ministri aktualisht po vuan dënimin e tij në burgun e Lushnjës.
Gjykata e Posaçme Kundër Korrupsionit dhe Krimit të Organizuar (GJKKO) e dënoi Saimir Tahirin me 5 vite burg për ‘Shpërdorim të detyrës’, por për shkak se ish-ministri kishte kërkuar aplikimin e procedurës së gjykimit të shkurtuar, iu ul 1/3 e dënimit, e tani Tahirit i duhet që të qëndrojë pas hekurave të burgut në 3 vite e 4 muaj burgim. Tahiri u dënua vetëm për “Shpërdorim detyre” duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”.
