TIRANË– Deputeti i Partisë Demokratike Dashnor Sula ka folur pas daljes nga Gjykata Kushtetuese ku për dy orë parashtroi kërkesën e 28 deputetëve demokratë për shfuqizmin e Bordit të Ushqimeve. Sipas Sulës qeveria ka interes vetëm të mbushë arkën e shtetit në kurriz të shqiptarëve.
Dashnor Sula: Ne si PD i parashtruam për gati 2 orë, të gjithë kërkesat nga ana e grupit parlamentar. Për gati dy orë u shteruan të gjithë argumentet që është një bord i cili nuk ka sjellë asgjë të mirë sa i përket qytetarëve shqiptarë në aspektin e monitorimit. Produktet sidomos të shportës janë rritur krahasuar me një vit më parë. Kemi parasysh që politikat që kanë ndjekur qeveritë e vendeve të Evropës Janë efikase dhe konsumatorët janë mbrojtur, kurse në Shqipëri ndodh komplet e kundërta. Jemi i vetmi vend në rajon që s’kemi marrë masa efikase. Qeveria nuk ka interes së uljes së çmimeve por për mbushjen e arkës së shtetit nga xhepi i qytetarëve, në një kohë krize. Kjo qeveri s’ka sjellë asnjë dobi. Pashë një përgjegjshmëri të lartë nga Kushtetuesja. Kemi bindjen që do triumfojë drejtësia, ky s’është interes politik por i qytetarëve shqiptarë.
