ITALI- Një aksion policor është zhvilluar ditën e sotme në Milano e dretuar nga Drejtoria e Qarkut Anti-Mafia. Mediat italiane shkruajnë se në pranga janë vënë 10 persona të cilët dyshohet se fundksiononin si grup i mirëfilltë kriminal. Hetimet zbuluan se bosi i klubit ‘Ndrangheta në Pioltello (Milano) Cosimo Maiol, mes 10 të arrestuarve në aksionin e sotëm, ka bërë një “fushatë elektorale” në 2021 në favor të kandidatit për kryetar bashkie për qendrën e djathtë të qytetit Claudio Fina.
Cosimo Maiolo, së bashku me krahun e tij të djathtë të dyshuar Luca Del Monaco (i arrestuar) dhe “në konkurrencë me” Claudio Fina dhe Marcello Menni (nën hetim), dyshohet se ka shfrytëzuar “reputacionin e tij si një menaxher i lartë brenda klubit Pioltello” dhe organizoi një banket elektoral në shtator 2021 në favor të Fina dhe Menni” duke bërë në një fushatë elektorale në favor të Finës dhe Mennit. Dhe duke ftuar komunitetin e huaj të pranishëm në Pioltello në veçanti shqiptarët dhe pakistanezët të votojnë për Fina dhe Menni”.
Sipas hetimeve të prokurorit të DDA Milanez Paolo Storari, gjatë një dreke në Segrate (Milano), Maiolo dhe Fina dyshohet se kanë bërë marrëveshje për zgjedhjet.
Nga përgjimet është dokumentuar edhe si mafia që vepronte në Pioltello dënonte gjestin impulsiv të sherrit të dhunshëm të anëtarit të familjes mafioze me trafikantët shqiptarë. Madje për të dhënë një mësim u vendos të eliminohej vëllai i tij, por krimi mbeti në tentativë.
