TIRANË– Vijon numerimi i votave për Këshillin Bashkiak në qarkun e Kukësit. Partia Socialiste kryeson me shumicën e mandateve, ndërsa koalicioni ”Bashkë Fitojmë” rënditet në vendin e dytë, ndërsa në disa raste dhe e treta pasi është ”spostuar” nga PSD-ja e Tom Doshit.
Bashkia Kukës- Deri më tani kur janë numëruar 22 nga 73 qendra votimi në total, PS ka siguruar 4 mandate me 9.87% të votave. Ndiqet nga PSD me po 4 mandate dhe 9.85% të votave. Bashkë Fitojmë renditet forcë e tretë me 3 mandate, 8.49% të votave. Ndërkohë ALD po ashtu me 6.43% të votave numëron 3 mandate. Edhe PDIU ka marrë 3 mandate me 6.61% të votave. PAA dhe BD kanë marrë nga 2 mandate. Ndërsa PD, PLL, PDS, LZHK, FRD, AD dhe PMDE kanë marrë nga një mandat secila.
Bashkia Tropojë- Ka përfunduar numërimi. PS 4 mandate, ose 13.69%. Bashkë Fitojmë 4 mandate. Forcë e tretë renditet ADS me 2 mandate. Ndërsa PD, PAA, PR, PLL, PDS, PSD, LZH, AD, BD, AAK, PLPSH dhe PUK kanë marrë nga 1 mandat secila.
Bashkia Has- Bashkë Fitojmë ka marrë bashkinë por jo këshillin. PS ka fituar 4 mandate me 14.70% të votave. Bashë Fitojmë ka siguruar vetëm 3 mandate, 12.92% vota, PAA me 7.07% të votave ka marrë 2 mandate. Gjithashtu edhe PSD dhe LZHK kanë marrë nga 2 mandate. Ndërsa PD, PR, PDIU, AAK, PBK, PGJ dhe PKKA kanë marrë nga një mandat secila.
