TIRANË– Këshilli i Rregullores dhe Mandateve u ka dhënë sot mandatin e deputetit Oriela Nebijajt dhe Petrit Dodës. Dy deputetët e rinj do të zëvendësoijnë në Kuvend Grida Dumën dhe Alfred Rrushajn, të cilët dhanë dorëheqjen nga mandatit pak javë më parë. Oriela Nebijaj dhe Petrit Doda pritet të bëjnë betimin.
NJOFTIMI I KUVENDIT:
Mbledhja e Këshillit për Rregulloren, Mandatet dhe Imunitetin u zhvilluar sot nën drejtimin e Kryetares së Kuvendit, Lindita Nikolla. Mbledhja shqyrtoi vendimin nr. 211, datë 01.12.2022, të Komisionit Qendror të Zgjedhjeve “Për dhënien e mandatit të deputetit të Kuvendit kandidatit të listës shumëmërore të Koalicionit “Partisë Demokratike – Aleanca për Ndryshim”, qarku Tiranë, z. Petrit Dine Doda, si edhe vendimin nr. 212, datë 01.12.2022, të Komisionit Qendror të Zgjedhjeve “Për dhënien e mandatit të deputetit të Kuvendit kandidatit të listës shumemërore të Koalicionit “Partisë Demokratike – Aleanca për Ndryshim”, qarku Tiranë, znj.Orjela Luftar Nebijaj. Z. Petrit Doda dhe znj. Orjela Nebijaj kanë fituar mandatin e deputetit dhe, në mbështetje të nenit 4 të Rregullores së Kuvendit, në mbledhje u vendos të ftohen në seancën e sotme plenare për të bërë betimin, si kusht për të filluar ushtrimin e mandatit të deputetit.
