TIRANË– Ambasadorja e Shteteve të Bashkuara të Amerikës Yuri Kim ka zhvilluar këtë të enjte një takim me drejtuesen e re të Shërbimit Informativ Shtetëror Vlora Hyseni në ambientet e SHISH. Lajmi u bë me dije nga selia diplomatike e SHBA-së në Tiranë ku janë ndarë dhe fotot nga takimi. Kim mësohet ti ketë uruar suksese në detyrë Hysenit si dhe ka garantuar bashkëpunimin e mëtrejshme me SHBA.
POSTIMI:
Ambasadorja Yuri Kim vizitoi sot Vlora Hysenin, Drejtuese e Shërbimit Informativ Shtetëror, për ta uruar për emërimin e ri dhe për t’i uruar suksese në këtë rol të rëndësishëm. Të dyja ranë dakord për rëndësinë e bashkëpunimit të fortë SHBA-Shqipëri për sigurinë kombëtare dhe inteligjencën. Ambasadorja Kim shprehu gjithashtu mbështetjen për përpjekjet e reja për të siguruar që Shqipëria të jetë në gjendje të përballojë sfidat në mënyrë efektive.
