Kinematografia shqiptare në ZI, ndahet nga jeta regjisori Kristaq Mitro

TIRANË– Është ndarë këtë të hënë nga jeta në moshën 77-vjeçare pasi vuante nga një sëmundje e rëndë ikona e regjisë shqiptare Kristaq Mitro. Emrin e regjisorit Kristaq Mitro e mbajnë prodhime të suksesshme të kinematografisë shqiptare si filmat: “Liri a vdekje”; “Njeriu i mirë”: “Duaje emrin tënd”: “Dimri i fundit”: “Nusja dhe shtetrrethimi”: “Apasionata”, etj. Kristaq Mitro, i lindur më 1 dhjetor 1945, ishte edhe profesor në Universitetin e Arteve. Regjisori i dhjetëra filmave shqiptarë aktualisht jepte kontributin e tij si pedagog pranë Universitetit të Arteve në degën Regji-Filmi.