DURRËS– Një ukrainase është gjetur e vdekur brenda apartamentit të saj. Ngjarja ka ndodhur në zonën e plazhit në Durrës. 45-vjeçarja Natalia F. Yaruseska jetonte vetëm në katin e pestë të një pallati tek zona e Shkëmbit të Kavajës. Prej ditësh ajo nuk kishte dalë nga banesa duke alarmuar kështu dhe fqinjët. Ata të shqetësuar se nuk e kishin parë prej ditësh kanë lajmëruar policinë, të cilët kanë hyrë nga ballkoni ku dhe kanë gjetur më pas trupin e pajetë të 45-vjeçares.
Trupi i pajet i Natalias është dërguar në morgun e spitalit të Durrës. Paraparikisht në trupin ne saj nuk janë konstatuar shenja dhune duke bërë të bnesohet se vdekja të ketë ardhur si pasojë e shkaqeve natyralle. Por policia e Durrësit ka nisur hetimet në lidhje me vdekjen e 45-vjeçares dhe po punon për zbardhjen e plotë të shkaqeve të vdekjes.
