KAVAJË– Marsida Qaja, 33 vjeçe është vënë në prangat e policisë së Kavajës këtë të mërkurë pasi ishte shpallur në kërkim. E reja ishte në kërkim pasi rezulton e dënuar me 2 vjet burgim, për veprën penale “Përshtatja e lokalit për përdorim droge”. Në vitin 2019, Qaja ka përshtatur për përdorim droge, një ambient, në të cilën, për shkak të konsumimit të lëndëve narkotike, ka humbur jetën një person.
Marsida Qaja nuk është një emër i panjohur për policinë. Ajo u vu në qendër të kronikës së zezë në vitin 2019 pas vrasjes së ish-të dashurit të saj, Dritan Haxholli nga Bledar Toçi, ish-shefi i sigurisë së brendshme në burgun e Durrësit, ngjarje e ndodhur në banesën e Qajës.
NJOFTIMI I POLICISË:
Gjatë operacionit policor të koduar “Plazhi”, u kap dhe u ndalua shtetasja në kërkim Marsida Qatja, 33 vjeçe, banuese në Kavajë, e dënuar me 2 vjet burgim, për veprën penale “Përshtatja e lokalit për përdorim droge”. Në vitin 2019, kjo shtetase ka përshtatur për përdorim droge, një ambient, në të cilën, për shkak të konsumimit të lëndëve narkotike, ka humbur jetën një shtetas. Materialet i kaluan Prokurorisë, për veprime të mëtejshme procedurale.
