TIRANË– Detaje të reja po dalin dita ditës në dritë në lidhje me vjedhjen e 120 mijë eurove në banesën e ish-shefes së kabinetit të ish-ministrit Arben Ahmetaj. Mes deklaratash kontradiktore në polici para hetuesve Klosi rezulton se ka dhënë dorëheqjen nga detyra e saj në Kryeministri vetëm pesë ditë pas vjedhjes së ndodhur në shtëpinë e saj. Ajo pritet të mnerret sërish në pyetje nga hetuesit.
Ndërkohë të tjera detaje janë zbardhur në lidhje me pasurinë e Klosit. Raportohet se ajo nuk poseidon vetëm 120 mijë eurot dhe bizhuteritë e vjedhur në banesën e saj por është dhe pronare e disa pasuri të paluejtshme. Ajo është pronare e dy apartamenteve në Shëngjin me sipërfaqe 94 m2 dhe dhe 42 m2. Nga të dhënat e siguruara, është bërë pronare e pasurive në tetor 2021 me kontratë dhurimi. Alda Klosi është dhe bashkëpronare me vëllanë e saj, me të cilin ka një apartamenti 72 m2 në Tiranë si dhe i një tjetër apartamenti 47 m2 në Tiranë. Alda Klosi është gjithashtu bashkëpronare e një tjetër apartament në Tiranë me sipërfaqe 50 m2. Gjithashtu, Klosi është bashkëpronare edhe e dy sipërfaqe trualli në Tiranë 216 m2 dhe 160 m2. Për të mbyllur, ka në pronësi edhe një makinë të tipit Toyota RAV4, e vitit 2013.
Ende nuk kemi një reagim nga ana e institucionit që ka për detyrë kontrollin dhe monitorimin e zyrtareve të lartë të shtetit ILDKP nuk ka ende një përgjigje se a ishte në dijeni të këtyre pasurive që dispononte Klosi dhe parave të saj në shtëpi nëse ishin të deklaruara.
