TIRANË– Blendi Klosi ka marrë këtë të premte zyrtarisht detyrën e numrit dy të Partisë Sicialiste atë të Sekretarit të Përgjithshëm dy ditë pasi u zgjodh në Asamblenë e PS, të drejtuar nga kryesocialisti njëherësh kryeministri Edi Rama. Gjatë fjalës së tij Klosi tha se PS synon mandatin e katërt qeverisës në vitin 2025 dhe duhen përgatitur strukturat për këtë. Riorganizimi i plotë i PS pritet të nisë në shtator.
Blendi Klosi: Është një detyrë e rëndësishme, padyshim duke parë një karrierë të PS, në garat e fundit dhe çdo garë e fituar nga paraardhësja, për ta çuar në një beteje të re elektorale. Dita e zgjedhjeve është një dite e rëndësishme pune, lufte, fitorja, dita pas fitores është dita që të mendojmë për planet e ardhshme. Është detyrë të cilat do ta ndaja me çdo anëtarë të PS, me gjithë kolegët. Miku dhe kolegu im Damiani, ka bërë një punë të mirë, e çuam partinë në një garë të fortë në 2023, por do ta çojmë në një garë të fortë të 2025, ku PS do të marrë mandatin e 4. Kjo detyrë është një detyrë do na kërkojë orare të zgjatura në çdo fshat, në çdo lagje, për të kuptuar se çfarë njerëzit presin, nga PS. Kjo ditë për ju nuk është një ditë suprizë. PS fiton sepse punon shumë, fiton se përpiqet të transformohet. Në këtë detyrë kemi reformimin e partisë, përpjekjen e madhe për ti dhenë zë çdo të riu.
