BRATISLAVË– Kryeministri Edi Rama ka komentuar përplasjet dhe tensionet në veri të Kosovës. Gjatë fjalës së tij në Forumin e Bratislavës Rama tha se kërcënimet e Serbisë për ndërhyrje ushtarake janë një shfaqje e pabesueshme e politikës së brendshme pasi sipas tij ushtria serbe ka zero fuqi në kufi me Kosovën. Me nota humori Rama tha se gjithmonë në verë ka tensione në Kosovë dhe Serbi pasi nuk kanë det dhe “nxehen kokat”.
Edi Rama: Kjo është shfaqja më e pabesueshme e politikës së brendshme. Se ushtria serbe në kufi të Kosovës ka fuqi 0. Cfarë mund të bëjë, asgjë? Ka të bëjë vetëm me politikën e brendshme. Përpara verës kemi probleme në veriun e Kosovës. Nuk e di pse ndodh gjithmonë në verë, ndoshta sepse Kosova dhe Serbia nuk kanë det e kokat nxehen.
