HIMARË– Vdekja e 7-vjeçares Jonada në bregdetin e Himarës tronditi para disa muajsh mbarë vendin. Vogëlushja u vra me skaf nga efektivi Arjan Tase në plazhin e Potamit teksa ajo ishte duke u larë në det me të atin e saj. Në bredgetin e Potamit, tashmë janë vënë disa kolona të ngritura me gurë. Fotot nga instalacioni i ka ndarë me JOQ, një qytetare që i ka pikasur.
DINAMIKA E NGJARJES
Më 3 gusht 2022 komisari i Policisë, Arjan Tase përplasi për vdekje në plazhin e Potamit 7-vjeçaren Jonada Avdiu. Vogëlushja kishte ardhur nga Anglia për të bërë pushimet me familjen e saj, në bregdetin shqiptar dhe pa pasur asnjë faj, humbi jetën si pasojë e papërgjegjshmërisë së komisarit Tase, i cili futi gomonen në hapësirën e rrethuar për pushuesit me bova plastike. Ai kreu manovrime të rrezikshme dhe 15 metra larg bregut goditi me pjesën e prapme të mjetit lundrues të voglën Jonada.
