TIRANË– Kreu i grupit parlamentar të Partisë Socialiste Taulant Balla në një deklaratë për mediat pas mbledhjes së grupit të PS, tha se kërkesa e PD për të ngritur një grup hetimor për të hetuar takimet e kryeministrit Edi Rama me ish-agjentin e FBI-së, Charles McGonigal, nuk mund të aprovohet, duke shtuar më tej se kjo kërkesë do të verifikohet dhe nëse do të jetë firma e kreut të PD Berisha, nuk do të merret parasysh pasi është shpallur non-grata.
“Është kryetari i Kuvendit ai që njihet me këtë kërkesë dhe sipas rregullores së Kuvendit, merret një Kuvend. Duhet vendosur njëherë nëse kërkesa është në përputhje me rregulloren e Kuvendit. Sepse lidhur me komisionet hetimore, ne kemi ngritur një komision të posaçëm për ngritjen e komisioneve parlamentare dhe që lidhet me vendimet e Gjykatës Kushtetuese. Që nga viti 2004 deri më sot në vitin 2022 nuk janë futur në legjislacion vendimet e Gjykatës Kushtetuese, janë plot 6 të tilla. Në këtë rats kemi të bëjmë me një rast të veçantë, që çdo parlament do të zgjidhte të njëjtin parim. Kemi një person ‘non grata’ nga SHBA që është turpi i këtij Kuvendi dhe ne nuk do ta marrim në konsideratë firmën e tij. Është zgjedhja jonë, vendimmarrja jonë politike.”, u shpreh Balla
