TIRANË– Partia Socialiste ka kërkuar këtë të martë mbledhjen e Sekretariatit për Procedurat, Votimet dhe Etikën. Ata kërkojnë ndëshkimin e deputetëve demokratë të cilët seancën e djeshme bllokuan sërish foltoren e Kuvendit. PS pretendon se u falsifikua firma e 4 deputetëve për ngritjen e komisionit për ‘McGonigal’. Lidhur me këtë ata kërkojnë marrjen me pyetje katër deputetët demokratë Belind Këlliçi, Oerd Bylykbashi, Agron Shehaj e Luan Baçi.
Shtatë socialistë kanë hedhur firmat për ndëshkimin e Sali Berishës, Edi Palokës, Flamur Nokës dhe Belind Këlliçit. Në këtë kërkesë thuhet se Flamur Noka me veprimet e përsëritura pengoi zhvillimin normal të seancës.
