Pas ndarjes së bujshme nga ish-reperi Fero, Arbenita Ismajli, nuk e priti e vetme Ditën e të Dashuruarve! Modelja e njohur e ka bërë të ditur këtë përmes postimeve në rrjetet sociale, duke ndarë momente nga festa e saj në Dubai.
Mes spekulimeve për një lidhje të re, që u zbulua nga ish-bashkëshorti i saj, Fero, Arbenita duket se ka konfirmuar tashmë romancë dhe ka zgjedhur ta kalojë këtë ditë në një qytet luksoz.
Megjithatë, këtë herë jo vetëm vendndodhja dhe darka pranë ndërtesave mahnitëse të Dubait kanë tërhequr vëmendjen, por edhe veshja e saj.
Arbenita ka publikuar foto më një fustan tejet elegant në ngjyrë rozë të ëmbël.
Fustani u ka rrëmbyer vëmendjen të gjithëve, të cilët kanë zbuluar markën dhe çmimin e kripur të tij. Është zbuluar se vlera e këtij fustani arrin në plot 3,200 euro.
Kujtojmë që modelja ka qenë në një romancë dashurie me reperin Fero por lidhja e tyre mori fund muaj më pare pasi modelja e akuzoi reperin për dhunë fizike dhe psikologjike dhe më pas ata u divorcuan.
