Në malin e fshtatit Matohasanaj një 30 vjeçar plagosi me armë zjarri (pushkë) një 59 vjeçar për shkak të një konflikti për motive të dobëta ndërmjet tyre. Policia ka reaguar menjëherë dhe ka bërë të mundur arrestimin e 30 vjeçarit, banues në këtë fshat. Salla operative e Komisariatit të Policisë Tepelenë ka marrë njoftim nëpërmjet një telefonate se në malin e fshatit Matohasanaj, njësia administrative Lopës, një shtetas kishte plagosur me armë zjarri (pushkë) një shtetas tjetër (të dy barinj). I plagosuri është dërguar në spital dhe ndodhet nën kujdesin e mjekëvë, jashtë rrezikut për jetën. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
