TIRANË– Prokuroria e Posaçme Kundër Korrupsionit dhe Krimit të Organizuar (SPAK) ka nisur këtë të enjte hetimin pasuror për të gjithë të arrestuarit e operacionit të një dite më parë, ku u godit një grupi kriminal që merrej me trafikimin e sendeve me vlerë dhe pastrim parash. Mes të arrestuarve ishte dhe ish-shoferi i ish-Drejtorit të Përgjithshëm të Policisë Ardi Veliu. Sokol Idrizaj u arrestua së bashku me bashkëshorten e tij Elda Idrizaj dhe vajzën.
Urdhër arrestet:
- Sokol Idrizaj – ish shoferi i Ardi Veliut
- Elda idrizaj, bashkëshorja e Idrizajt
- Dy vajzat e Sokol Idrizajt, njëra prej tyre në arrest shtëpie dhe tjetra në detyrim paraqitje
- Vangjush Kashari biznesmen në shitjen e sendeve me vler
- Agustin Mesuli
- Altin Doda
- Florjan Bakri
- Tomor Baruti
Sendet e sekuestruara:
- 1 armë zjarri tip Pistoletë;
- 65.300 Euro;
- 9.900 USD kanadez;
- 60 ora dore (Hamilton, Omega, Rolex, Baume & Mercier, Cartier, Breitling, Hublot Geneve, Edifice etj);
- 1 (një) Aparat Fotografik;
- 9 Laptopë;
- 7 I-Pad;
- 3 Tablet;
- 28 Aparatë celularë;
- 2 kompjuter;
- 33 copë Bizhu;
- 2 monedha ari;
- Sasi e konsiderueshme syze dielli të markave të ndryshme luksoze (DG, Louis Vuitton, Ray Ban, Giorgio Armani, Versace);
- Sasi e konsiderueshme parfume dhe kremrash (Versace Dylon Blue, Dolce Gabbana, Hermes, Avon Glamour, Asabi; Channel Blue; Armani “Si”, Louis Vuitton; etj;
- 1 stilolaps Cartier;
- 2 Stilograf;
- Karta të ndryshme bankare;
- Veshje të markave të ndryshme si Dior, Christian Louboutin, Christian Dior, Hermes, Moncleir, Balenciaga, si edhe Canta apo Këpucë të firmave prestigjoze;
- Autoritete Franceze të Drejtësisë kanë arrestuar 13 persona (në kuadër të Skuadrës së Përbashkët Hetimore).
- Gjatë kontrollit të ushtruar nga autoritetet franceze janë sekuestruar:
- 215 569 Euro;
- 115 copë Bizhu të ndryshme;
- 50 orë dore të markave të ndryshme luksoze etj;
Sipas Prokurorisë së Posaçme ky grup kriminal merrej me kontrabandë dhe me pastrim parash brenda vendit dhe jashtë tij. Sipas SPAK grupi i parë, pas grumbullimit të sendeve të vjedhura në territorin francez dhe shumave monetare që rridhnin nga veprimtaria kriminale, i depozitonin fillimisht në një hotel dhe më pas ua jepnin ato në dorëzim për t’i transportuar në mënyrë të paligjshme në Shqipëri. Grupi i dytë në bashkëpunim me anëtarët e grupit të parë, kanë ushtruar transportonin shuma monetare në sasi të madhe, dhe të padeklaruara nga Shqipëria-Francë.
