TIRANË– Komisioni Qëndror i Zgjedhjeve ka hedhur këtë të martë shortin që bëri dhe ndarjen e numëruesve të partive politike. Pas shortit Partia e Lirisë e drejtuar nga Ilir Meta dhe Partia Demokratike e drejtuar nga Sali Berisha do të kenë numërues të votave për zgjedhjet e 14 majit vetëm në tavolinat e numërimit me numër tek. Po ashtu u vendos që në tavolinat e numërimit me numër tek, do të jenë dy përfaqësues të Partisë Socialiste, një për Partinë Demokratike dhe një për Partinë e Lirisë.
Ilirjan Celibashi: Shorti reflekton pasjen e anëtarëve të grupit të numërimit për çdo vendnumërim votash në tavolina teke ose çift. Është Partia për Drejtësi, Integrim dhe Unitet. Ja dhe Partia e Lirisë. Atëherë rezultati, Partia për Drejtësi, Integrim dhe Unitet do të ketë tavolinën me numrin çift, ndërsa Partia e Lirisë tek tavolinat me numrin tek. Ka ndonjë diskutim? Mirë atëherë e miratojmë.
Ndarja:
Tavolinat me numër tek:
- 2 përfaqësues të Partisë Socialiste
- 1 përfaqësues i Partisë Demokratike
- 1 përfaqësues i Partisë së Lirisë
Tavolinat me numër çift
- 2 përfaqësues të Partisë Socialiste
- 1 përfaqësues i Partisë Demokratike
- 1 përfaqësues i Partisë për Drejtësi, Integrim dhe Unitet
