TIRANË– Komisioni Qëndror i Zgjedhjeve ka vendosur në mbledhjen e zhvilluar këtë të hënë që të shtyjë shortin për përcaktimin e renditjes së kandidatëve për kryetar bashkie në fletën e votimit. Kryekomisioneri Ilirjan Celibashi u shpreh se shtyrja e shortit ka ardhur pas kërkesës së PS-së. Sipas tij kërkesa e PS-së ardhur pasi për 3 kandidatë, duhet pritur përfundimi i shqyrtimit të ankimeve në KAS dhe Kolegj.
Ilirjan Celibashi: Në seancën e sotme kemi zhvillimin e procedurave për hedhjen e shortit për renditjen e disa kandidatëve për kryetarë bashkie në disa bashki, por do ta shtyjmë sepse kemi marrë një kërkesë nga një subjekt zgjedhor, i cili kërkon që të bëhet hedhja e shortit, paraprakisht, për subjektet zgjedhore dhe pastaj për kandidatët për kryetarë bashkie. Edhe për këta të fundit, të bëhet për të gjithë në të njëjtën kohë. Meqënëse për 3 kandidatë jemi akoma në procedurë shqyrtimi të ankimeve, do duhet të presim përfundimin ne shqyrtimit të ankimeve në KAS dhe në Kolegjin Zgjedhor.
