ELBASAN– Kryeministri Edi Rama ka zgjedhur që ta festojë Ditën e Verës në qytetin e Elbasanit. Ai shoqërohet nga kryebashkiaku Gledjan Llatja, ministrja Evis Kushi dhe Sekretari i Përgjithshëm i PS Damian Gjiknuri. Gjatë një prononcimi për mediat Rama tha se nuk e harrojmë premtimin për pensionistët dhe se kësti i parë i mbështetjes do të shpërndahet në prill.
Edi Rama: Kemi një proces që me rritjen e pagës minimale duhet të rrisim edhe pagat e tjera. E kemi nisur si vrima e fundit e kavallit në rajon, sot shkojmë në një pozicion edhe më të mirë në rajon. Dua të uroj pensionistët, jo vetëm që nuk e kemi harruar premtimin për t’iu shpërndarë një tjetër mbështetje por sic e kemi thënë, taksa mblidhet, kësti i parë në prill e menjëherë do shikojmë sesi kryesorja në administrimin e të ardhurave, do jetë për pensionistët. Urime dhe gëzuar paçi një stinë me diell dhe dritë.
