TIRANË– Kreu i Agjensisë së Mbikqyerjes Financiare Ervin Mete ka raportuar këtë të martë në Komsionin e Ekonomisë ku u përball me pyetjet dhe kritikat e deputetëve nga të dyja anët sa i përket punës së këtij institucioni. Gjatë fjalës së tij depueti socialist Erion Braçe u ndal tek tregu i sigurimeve ku tha se ky treg është kënetë pasi nuk ka më konkurrencë. Sipas tij konkurenca është vrarë e shkak për këtë është marrëveshja mes tyre.
Erion Braçe: Në tregun e sigurimeve nuk kemi stabilitet, e kemi kënetë, në këtë treg nuk ndodh asnjë gjë, zero. Vetëm 12 kompani nga dita e parë deri sot, në këtë treg konkurrenca është vrarë dhe ka një arsye pse nuk ka konkurrencë: Arsyeja është marrëveshja.. s’është ky dinamizmi i tregut, nuk ka përmirësim, dukshëm. Ore si ka mundësi që në këtë vend ndodhin ndryshime të mëdhaja dhe këtu nuk ka një fjali të vetme për të promovuar produktet e reja në këtë fushë, as nga qeveria mo po të doni… në radio dilte në 1 minutë e gjysmë presidenti njërit dhe thoshte aty tani nis sezoni i aksidenteve, sigurohuni… dhe ai shiu breshëri dje atje në Kuçovë, asnjë fjalë qeveria, asnjë fjalë ministria, asnjë fjalë institucioni, asnjë fjalë kompanitë, dhe qajnë njerëzit… Këta kompani kanë bërë marrëveshje mes njëra tjetrës dhe ndajnë paratë.
