TIRANË– Detaje të reja kanë dalë në dritë nga “Masakra e Kamzës”. Raportohet se në momentin që Dan Hutra ka hyrë në banesë dhe ka hapur zjarr ndaj grave që ndodheshin aty, në sallon kanë qenë dhe foshnjat e familjes. Mësohet se Hutra, ka larguar foshnjen 1 muajshe të ish- bashkëshortes së tij. Edhe pse ai mohonte në mënyrë të përsëritur atësinë e fëmijës, ka larguar foshnjen 1 muajsh. Në banesë gjithashtu ndodheshin edhe dy bebe të tjera, 2 dhe 6 muajsh.
Dan Hutra vrau me armë zjarri shtetaset, Mevlute Hysa 30 vjeçe, motra e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses. Gjithashtu, plagosi ish-bashkëjetuesen e tij Elena Hysa, 35 vjeçe, dhe nënën e saj Kujtime Hysa, 60-vjeçe. Ai është edhe autori dhe i vrasjes së Etleva Kurtit po ditën e djeshme në Kamzë. 31-vjeçarja Etleva Kurti është motra e Vladimir Kurtit, i dënuar me burgim të përjetshëm për vrasjen e Agim Bucit, në vitin 2018
