TIRANË– Deputeti i Partisë Socialiste njëherzai drejtuesi politik i të majtëve në qarkun e Kukësit Pandeli Mako i është përgjigjur akuzave të bëra dy ditë më parë nga kreu i Partisë Demokratike Sali Berisha gjatë prezantimit të kandidatit të opozitës në Has. Berisha tha se kandidati i të majtëve është me dy emra dhe e akuzoi si të përfshirë në veprimtari kriminale. Në një reagim në rrjetet sociale Majko shkruan se Berisha duhet të tregohet i kujdesshëm se nuk i shkon një tropojani që shkon si mik në Has të flasë me atë gjuhë. Më tej Majko i bën thirrje KQZ dhe autoriteteve që të hetojnë.
REAGIMI:
Një tropojan, që shkon mik në Has, si rregull, duhet të jetë i kujdesshëm me fjalën! Edhe kur favorizon dikë kundër një tjetri! Sali Berisha ka deklaruar se kandidati socialistit paska 2 emra! Një histori të njohur familjare të para viteve 90-t ai e lidhi me “dënime dhe arestime” të kandidatit socialist në vende të ndryshme. Në se ka prova të tilla, atëherë KQZ është e detyruar ta “djegë” kandidatin socialist dhe kaq! Këto gënjeshtra kanë kuptim në Parlament, por jo në Has! Dje, në vend të fushatës pati fyerje në mes të Hasit, për një hasjan! Në Has i njohin mirë të dy kandidatët për kryetarë bashkie! Nga vinë ata dhe kush janë, këta dy hasjanë! Gjuha kocka ska, por kocka thyen! Me lekë mund të blesh vota, por jo të kaluarën tënde! Salla, dje, duartrokiti fyerjet, por aty nuk ishte i gjithë Hasi! Video e publikuar në faqen e SB https://fb.watch/jJrdctmgVk/?mibextid=uat9xN Në Has, heshtja dhe fjala kanë burrninë në mes!
