Kris Jenner së fundmi është shfaqur me një model flokësh të ri, i cili nuk ka kaluar pa u vënë re, jo aq për vetë ndryshimin, por për faktin se shumë e ngatërruan me vajzën e saj, Kim Kardashian.
69-vjeçarja u shfaq në një event të miqve të familjes, duke lënë pas modelin e saj të shkurtër të flokëve dhe duke zgjedhur një model me balluke, të ngjashme me atë që Kim kishte adoptuar disa muaj më parë, në Gala Art+Film LACMA.
Në rrjetet sociale, fillimisht shumë menduan se po shihnin Kim Kardashian, me disa komente që lanë të kuptohet se Kris Jenner kopjoi pamjen e vajzës së saj. Madje disa vunë në dukje se modeli i ri me balluke është pothuajse identik me modelin që Kim kishte pak kohë më parë, gjë që ngjalli krahasime dhe komente ironike si “duket si mami”.
