AUSTRI– Krishtlindje të trishta në Austri. Mediat e huaja shkruajnë se të paktën 10 persona janë ‘varrosur’ nga një ortek këtë të dielë pranë fshatrave malore Lech dhe Zurs në Austri. Orteku ka rënë në zonën e hapur për ski në mes të fshatrave dhe ka marrë me vete 11 persona, por një person është shpëtuar deri më tani.
“Dhjetë persona, ushtrues të sporteve dimërore,”- thuhet në deklaratë.
Operacioni i kërkimit vijon.. më shumë se 100 persona kanë dalë në terren, bashkë me qen dhe helikopterë.
“Ne bëjmë gjithçka që mundemi për t’i shpëtuar,”- tha zëdhënësi i komunës Lech, sipas Agjencisë Austriake të Shtypit.
“U kërkuan drita në mënyrë që kërkimi të mund të vazhdonte në errësirë”, thuhet në deklaratë.
