TIRANË– Ish-ministri i Shëndetësisë Ilir Beqja ka refuzuar të marrë mandatin e deputetit të Partisë Socialiste të lënë bosh nga Benet Beci në Shkodër, i cili po kandidon për kryebashkiak. Komisioni Qëndror i Zgjedheve sipas procedurës që ndiqet në raste të tilla shpalli sot moszgjedhshmërinë pasi ai nuk iu përgjigj thirrjes së saj për të dorëzuar formularin e dekriminalizimit brenda afatit.
Pas refuzimit të Beqjas pritet që vendin e socialistit Benet Beci ta zërë emri pasardhës në listë, Frrok Gjini. Gjinit do t’i duhet të dorëzojë formularin brenda 10 ditësh, ndryshe do të hiqet dhe ai nga lista.
