Kryeministri i Kosovës Albin Kurti ka reaguar lidhur me tensionet në Veri të Kosovës. Nëpërmjet një videomesazhi të publikuar në rrjete sociale Kurti shprehet se kryetarët e zgjedhur nga zgjedhjet e 23 prillit, kanë mbështetjen e plotë.
“Demokracia nuk mund të suspendohet, e as të mbahet peng. Ushtrimi i saj është garant i paqes dhe sigurisë, assesi kërcënim apo rrezikim. Republika e Kosovës është vendi më demokratik në Ballkanin Perëndimor. Me institucione qeverisëse dhe të sigurisë të cilat trajnimet profesionale dhe orientimin vleror e kanë nga dhe kah shoqëritë perëndimore.”, ka thënë ai.
