KRUJË- Një grup personash në Nikël kishin kultivuar kanabis në shtëpinë e tyre! Behet fjalë për Bedri dhe Redjon Luka (babë e bir) të cilët kishin kultivuar përreth banesës rreth 285 bimë kanabisi, të cilat janë asgjësuar përmes djegies, sakaq është arrestuar Bedri Luka, dhe në kërkim është shpallur djali i tij, Redjon Luka!
Nga njoftimi i policisë Krujë është njoftuar se gjatë 11 fazave të mëparshme të këtij megaoperacioni, janë asgjësuar 7362 fidanë dhe bimë narkotike cannabis sativa.
Njoftimi i policisë
Finalizohet faza e 12-të e megaoperacionit policor antikanabis të koduar “Territor i pastër”. Kishin kultivuar në banesën e tyre, në Nikël, 285 bimë narkotike cannabis sativa, arrestohet një shtetas dhe shpallet në kërkim djali i tij. Asgjësohen nëpërmjet djegies, bimët narkotike. Në total, gjatë 11 fazave të mëparshme të këtij megaoperacioni, në të gjithë territorin e qarkut Durrës, janë asgjësuar 7362 fidanë dhe bimë narkotike cannabis sativa. Shërbimet e Komisariatit të Policisë Krujë dhe ato të Forcës së Posaçme Operacionale të DVP Durrës, kanë vijuar intensivisht kontrollet në të gjithë territorin e fshatit Nikël, me qëllim parandalimin dhe goditjen e tentativave për të kultivuar bimë narkotike.
