TIRANË– Kryetari i Bashkisë së Mallakstrës Qerim Ismailaj është paraqitur ditën e sotme në Gjykatën e Posaçme Kundër Korrupsionit dhe Krimit të Organizuar. Ismailaj akuzohet për falsifikim të formularit të vetëdeklarimit dhe në seancën e sotme pritet të bëhet mbrojtja e tij.
Prokuroria e Posaçme Kundër Korrupsionit dhe Krimit të Organizuar (SPAK) ka kërkuar dënimin me 1 vit burg për fshehje të dënimit me 3 vite në Greqi në formularin e vetëdeklarimit. SPAK ka lënë të hapur opsionin që me kërkesë të të pandehurit, dënimi që mund të marrë mund të konvertohet në punë me interes publik për 150 orë.
