KUÇOVË- Një tentativë për vjedhje është regjistruar në orët e para të mëngjesit të kësaj të diele në Kuçovë. Bëhet me dije se një 52-vjeçar me emrin Lefter Brisku, tentoi që të hyntë në një banesë për të vjedhur pula. Ngjarja ndodhi pranë varrezave të qytetit, në lagjen ’11 Janari’.
Mësohet se pronarët e baneses janë ngritur nga gjumi për shkak të zhurmës që është krijuar dhe kanë kapur në flagrancë Briskun në kotecin e pulave. Ndaj këtij të fundit është ushtuar dhunë nga djali pronarëve të shtëpisë. Paraprakisht Lefter Brisku është transportuar në spitalin e Kuçovës për të marrë ndihmën e duhur mjekësore.
Ndërsa burime bëjnë me dije se për shkak të gjendjes së rëndë dhe frakturave që ka pësuar në kokë nga dhuna, 52-vjeçari është dërguar me urgjencë në Spitalin e Traumës në kryeqytet për të marrë ndihmë mjekësore më të specializuar.
