Instituti i Gjeoshkencës ka paralajmëruar 5 qarqet kryesore të vendit për reshje shiu për të marrë masa pasi mund të ketë përmbytje të lokalizuara.
Sipas Institutit të Gjeoshkencës, gjatë 24 orëve që do të vijnë do të ketë reshje shiu në të gjithë vendin.
Në qarqet Shkodër, Lezhë, Tiranë, Fier dhe Vlorë ka rrezik për vërshime të lumenjve dhe rrëshqitje të dherave. Ndërsa zonat urbane mund të përballen me përmbytje të lokalizuara, në varësi të gjendjes së lokalizimeve.
Për sa me sipër, bazuar Ligjit 45/2019 “Për Mbrojtjen Civile” kërkohet rritje e gatishmërisë të të gjitha strukturave për përballimin e emergjencave të shkaktuara si pasoje e reshjeve te shiut.
Te ndiqen me prioritet çështjet si mëposhtëm:
-Raportimi ne kohe dhe ne vazhdimësi pranë Qendrës Kombëtare Operacionale te Emergjencave Civile.
-Vlerësimi paraprak i situatës si dhe planifikimi për mbështetje duke u bazuar gjithmonë sipas prioriteteve: mbrojtja e jetës se njeriut, pasuritë kombëtare, trashëgimia kulturore, infrastruktura kritike etj.
-Rritja e vigjilencës dhe reagimi në kohë i strukturave operacionale.
-Ndjekja ne terren nga sektorët e emergjencave ne nivel vendor.
-Njoftimi i popullatës qe mund te preket nga emergjenca dhe aktivizimi i planeve te evakuimit nemergjenca dhe aktivizimi i planeve te evakuimit në rast se është e nevojshme.
Sakaq, ditën e djeshme, edhe Bashkia e Lezhës paralajmëroi qytetarët lidhur me situatën meteorologjike.
“Bashkia Lezhë lidhur me të dhënat e marra nga Shërbimi Meteorologjik, ju bën me dije se pasnesër mbrëma ,duke gdhirë data 29 rreth orës 1:00 deri në orët e para të mëngjesit priten reshje të shumta shiu!
Parashikohet që të ketë furtunë dhe përmbytje,pasi sasia e shiut që do të bjerë do jetë shumë e lartë.
Shërbimet e Emergjencave të Bashkisë Lezhë do të jenë në gadishmëri gjatë natës për të ndërhyrë në çdo rast problematik!
Përveç masave që do të marrim ne,
ju lutemi banorëve që të marrin çdo masë të mundshme dhe të lajmërojnë në kohë reale në numrin e tel: +355 68 331 2049.”
