VELIPOJË– Një 49-vjeçar është vënë nën hetim nga Policia e Shkodrës pasi ka kundërshtuar me forcë efektivët e Policisë dhe ka mbajtur muzikën me volum të lartë ndezur jashtë orarit të përcaktuar. Sipas bluve të Shkodrës 49-vjeçari kundërshtoi efektivët në ambientet e lokalit që administrantonte. Në cilësinë materiale u sekuestruan pajisje që gjeneronin muzikën.
NJOFTIMI I POLICISË:
Oficerët e Policisë Gjyqësore kanë kryer veprimet procedurale dhe në vijim të tyre, ka nisur procedimi në gjendje të lirë për shtetasin L. M., 49 vjeç, banues në Velipojë, Shkodër, pasi ka kundërshtuar punonjësit e Policisë, të cilët rreth mesnatës, kanë ndërhyrë për ndalimin e muzikës, në lokalin që ky shtetas administronte, në Velipojë. Në cilësinë e provës materiale u sekuestruan pajisje që gjeneronin muzikën.
