Një automjet mësohet se ka shpërthyer pasditen e së martës në fshatin Sanxhak të Kurbinit. Nga dyshimet paraprake, shkak mësohet të jetë bërë rrjedhja e gazit nga bombola e instaluar në automjet, ndërsa si pasojë është dëmtuar shoferi 42-vjeçar.

Ky i fundit është dërguar në Spitalin e Djegie Plastikës në Tiranë, ku po merr shërbim mjekësor.

Në vendin e ngjarjes ka shkuar grupi hetimor për të zbardhur rrethanat e kësaj ngjarjeje.

Njoftimi i policisë:

Në Sanxhak, si pasojë e një defekti teknik, ka marrë flakë në ecje automjeti tip Ford Focus, me drejtues shtetasin A. L. i cili për pasojë ka marrë lëndime fizike dhe është transportuar në Spitalin e Traumes Tiranë për ndihmën  e nevojshme mjekësore, ku ndodhet jashtë rrezikut për jetën.