SPANJË– Prokuroria spanjolle do të kundërshtojë të mërkurën ekstradimin e Kreshnik Haxhiajt, i cili kërkohet nga drejtësia shqiptare pas thirrjece ekstremiste që bënte përmes rrjeteve sociale.
Haxhiaj përmes mesazheve në Facebook kërcënonte autoritete të ndryshme përfshirë dhe kryeministrin. Në një mesazh drejtuar këtij të fundit ai shkruante: Kush mendoni se ka guxim të shpërthejë bombat?!”.
Kërkesa për ekstradim është për veprën penale të nxitjes, apelit publik dhe propagandës për kryerjen e veprave për qëllime terroriste që përcaktohet në kodin penal shqiptar. Megjithatë, sipas kallëzimit të prokurorit të Gjykatës Kombëtare spanjolle, këto thirrje nuk cilësohen si krime për glorifikimin e terrorizmit apo nxitjes së aktev terroriste, ndaj edhe nuk ka pranuar ekstradimin e shqiptarit. Ndaj i takon Seksionit të Dytë Penal të Gjykatës Kombëtare spanjolle që të vendosë nëse do të pranojë dorëzimin e Kreshnik Haxhiajt, drejt autoriteteve shqiptare.
Faktet datojnë nga marsi i vitit 2021 kur i pandehuri postoi në profilin e tij në Facebook: “Selam aleykum kush mendoni se ka guxim të ndezë bombat!? Për të filluar një nga një. Nga Qendra e Paraburgimit 313, Jordan Misja, drejtori, shefi i policisë, avokati, edukatorja, punonjësja sociale, Avokati i Popullit, Ministri i Drejtësisë, agjentët e policisë gjyqësore, prokuroria, gjykatat, kryeministri, presidenti”.
Secili prej këtyre,” vazhdoi ai, “i ndihmuar nga SHKB Elhamdulilah, unë jam mysliman dhe e njoh Allahun dhe i frikësohem vetëm atij. Ndërsa krijesat e tij nuk mund të më prekin as një fije floku, sepse më mjafton vetëm Allahu. Dhe sa mbrojtës i mirë është Allahu, me emrin e tij nuk ka njeri që mund të të lëndojë, sepse unë besoj në të.”, ka vijuar statusi.
Haxhiaj banonte në qytetin e Tropojës dhe në maj të vitit 2021 është larguar nga territori shqiptar, sipas dokumentacionit të ekstradimit. Prokuroria e Gjykatës Kombëtare argumenton se në këtë rast nuk plotësohet kërkesa e kriminalitetit të dyfishtë dhe dënimit minimal, duke qenë se faktet e referuara në kërkesën për ekstradim nuk dënohen në Spanjë.
